દીકરી,તને કહું ......
તને હવે સરી જતા જોઉં છું
અડકું ત્યાં ઓગળી જતા જોઉં છું
હથેળીમાં કોઈ બરફનો ટુકડો
તાદ્રશ પાણી થઇ ઓઝલ જોઉં છું
મારો માળો તને ગોદમાં ઉછેરે
તારી આકાશે ઉડવાની સહેલ જોઉં છું
નાજુક જૂઈનો પમરાટ થઇ
હવે આખા બગીચે મહેકતી જોઉં છું
આંખ મારી એ ની એ જ છે
મારી બાળકીને કન્યા રૂપે જોઉં છું
નજર ઠેરવું તારી ઉપર ત્યારે
તો કોઈ ઘર ની મંજરી બની, જોઉં છું
ઝાંઝરીના બોલાશે ઉગતી વેલ
હવે વિશાળ વૃક્ષની સંગિની બની છું !
