બેઅસર કેમ છે દર્દ કે ખુશી?
તું નથી તો ખામોશ છે જિંદગી!
બેઆબરુ થઈ છે લાગણી,
બિનવ્યવહારી એની માંગણી
બેખબર છે રિવાજો અહીં,
કત્લેઆમ ખુદ કરે છે મનમોજની
બેઅદબ માંગ, કહું છું જવાબ દઇ
ચાંદ સુધી કોઈ રાહદારીમાર્ગ નથી
બેવફાઈ ને કુર્નીશ સાથે ક્યાંથી?
આંખ ને દિલમાં વાત જૂદી આણી
બેદિલી આલમમાં બધે છવાઈ
લોહીને બદલે ઈંધણ રહ્યા છે પૂરાઈ
બેઈન્તેહા ચાહતથી ડરૂં છું, સાથી
ખુદને ભૂલી ન જઉં હું બસ મૂળથી.
અર્ચિતા દીપક પંડ્યા
કોક દિ કાના એ વિહ્વળ થઇ શોધ્યું હશે...
રાધા તારી પ્રીત ની બાંસુરી નું ગાન ...
ઘેલો પમરાટ થયો હશે કદંબને ડાળ ...
જેમ રાધા ઝૂરતી લેતીતી કાના નું નામ ...
યુદ્ધના શંખ ન થંભ્યાં ત્યાં સુણવા રાવ ...
રાધાગૌરી કેમ ઝીલ્યાં તમે આકરા ઘાવ ...
મને પૂછો તો કહું શ્વાસે શ્વાસે સર્જન એનું ...
ઉગે છે દિલમાં વહે તું ,નહિ લોહી મારું ...
કાના કેમે સમજાવું કે નથી ગઠન ઢીલું ...
જીવતે જ્યોતિ ભળી મારી તું થી ન કઈ બીજું ...
અહી આંખ રડે તો જાણું કાનાજીનું હૈયું વીલું ...
સ્મરણ દિલે ચાલુ રહે કાનાજી તમે રીઝવેલું ...
જીવન પ્રવાહમાં!
છીએ સમજમાં ને પૂરા વર્તમાનમાં
પણ વર્ત્યા વીતી ગયાના પ્રભાવમાં
આખરી ઈચ્છા તો નક્કી છે મનમાં
જિંદગી તેથી વધી રહી છે અમનમાં
ક્ષણોનો કાફલો ને કોઇ ધૂન સંગતમાં
જીવ્યા નો ભાર નથી જરાય હ્રદયમાં
લાગણીએ ઊંઝાયા તો રહ્યા ખોટમાં
પણ સંતોષ કે છીએ ગળાડૂબ પ્રેમમાં
ઈચ્છાઓને નથી રહેવું હોતું શિસ્તમાં
પણ ઈશ્વર તો સુધારે સહુને સબકમાં
જીવનનાં હર ગમ દફનની વેતરણમાં
મીઠાશ અને મોજ જો સદા રે' મનમાં
અર્ચિતા દીપક પંડ્યા
