જાણું છું

થઈ રહી છે મને ખબર, કે શું છે પ્રેમ એમ

જેમ તારામાં મળી રહ્યું છે મન,જાણું છું

ધીરેથી લોહીમાં ભળી ગયું છે તારૂં નામ

કે મલંગ એનો જ લાગે છે, હું જાણું છું.

નજરનાંં બાણમાં જાણે રતિ જેવું ખેંચાણ

તારી હાજરીનો છે એ પ્રતાપ હું જાણું છું

ક્ષણિક આવેગની લાગણી,અચળ જ છે

પૂરો જન્મારાનો થશે સંબંધ, હું જાણું છું

ધડકનમાં ગૂંજે જો તારૂં નામ,તો છે પ્રેમ

એકે ય સાબિતીની ક્યાં જરૂર,હું જાણું છું

        અર્ચિતા દીપક પંડ્યા