કહું તને .......
તું આવ,
થોડું રોકાઇ જવા આવ,
કહું તને હું, ક્યારે આવજે ? .....
આંખમાં આંજણ સાથે ઈચ્છાની જાળ
પ્રેમાળ કાવતરાથી ગૂંથી રાખું ત્યારે ,
જેવો નજરના રસ્તે જયારે તારો પગ પડે,
તને લપેટીને સીધો જ , સીધો જ એ
મારી કીકીમાં પૂરી દે , તને આખેઆખો
એક વખત આંખોથી તને હું ઉતારી દઉં .....
મારા દિલમાં પછી તો .....
પાછા વળવાનો રસ્તો પૂરે પૂરો
હું ,ભૂસવાનો બંદોબસ્ત કરી લઉં ...
ને ત્યારે બસ ....
ઠરી ઠામ થઈને કાયમ અહી જ
રહેવું પડે ત્યારે....., તું આવજે ....
.........
અર્ચિતા દીપક પંડ્યા
