આવકારો
તારા સ્પર્શ નાં ફૂલે , મનનાં વન વગડે
માર્યો એક ગોદો મને હળવો !
સ્મરણ ની સુગંધ થઈ કરે તરબતર ને
ઝીણો ઝીણો છે મને અજંપો !
ઓઢણી સંકોરી છે લાંબી ઇચ્છાની ખાટને
પગરવનો પડઘો લાગે મોટો !
ધકધક ધબકારે વાગે કોઇ ઘેરો તાલ ને
સરગમ શ્વાસે સાધે સુરનો છેડો !
પલળું પ્રેમમાં ભીની , કોઇ વાદળી જાણે
લઈ વરસવાનો અમૂલ ઓરતો !
આવે તું ભલે લગરીક મોડો તો પણ ચાલશે
પણ રહી જવાનો કરજે વાયદો પૂરો !
No comments:
Post a Comment