ભૂલી જવું
ભૂલી જવું કાયમી છે,બધું છે ભૂલી જવું
છે જ સનાતન એ, કે બધું છે ભૂલી જવું
નાનીશી આંગળીથી ઝલાતો એ હાથ
ખોળો મળે લાડનો બધું છે ભૂલી જવું
દ્વિચક્રી સવારી વખતે પડી જતાં રોકે
મજબૂત હાથ, એ બધું છે ભૂલી જવું
તારામૈત્રક એક ને સાથ જન્મોજન્મનો
પ્રેમથી પીગળાવે એ બધું છે ભૂલી જવું
નાની ગોળ આંખમાં શોધું અમને બેયને
જે સર્વસ્વ લાગતું એ બધું છે ભૂલી જવું
મિત્રો ને સંગાથીથી ખીલી ઊઠી છે રાહ
હમસફર વિરલ એ બધું છે ભૂલી જવું
એક વાર છોડવા પડશે બધાં ગમતાં સાથ
ખરેખર કહું,મારે તો એ બધું છે ભૂલી જવું
©અર્ચિતા દીપક પંડ્યા
