સમજણ નો દોર સાંધુ ત્યાં કૈક અવળું પડે ,
રેતમાં ખોળું હું નગર અને મને ઊંધું મળે ....
અપેક્ષાઓના તોરણ સંબંધની સાખે ઝૂમે ,
નીતરે વાત ત્યાં થી અસુખની એમ બને ....
કોઈક રીતે અર્થ મારા બોલમાં જડે તને ,
હું ઝીંકુ વ્યર્થ હક્ક હથોડા લાગણીના ઘણે ....
કોઈ કચાશ તો જરૂર છે ચાહતમાં આપણે ,
મંઝીલ એક છતાં રસ્તાઓ કેમ જુદા મળે ....
કોઈ ડગર શોધીએ એવી ,જ્યાં મન મળે ,
વીતી વાતોના મનમોટાવ જ્યાં રેઢા પડે ....
અર્ચિતા દીપક
No comments:
Post a Comment