સપનાંની વાત
કાગળમાં લખું રાત,'ને તારલા ખીલી જાય,
કાનમાં કહું હું વાત,'ને વ્હાલડાં ખીલી જાય.
હળવી હવાની જેમ મારી ટપલી, લટ વીખેરી
અળવીતરો સાજન પડખેથી જ જાય
સપનાંની વાત પછી પરગટ થઈ જાય
કાગળમાં લખું રાત...
એક સાંજે કહેલું, ન ઓરો આવીશ ઝાઝેરો
ઘેરી રાતે પછી મને દેખાશે પેલો ઊંબરડો
ન ઓળંગ્યો તો યે મારશે મેણું,
ઊંચા ઓટલાં કરશે ઠીઠયારીઓ..
કાગળમાં લખું રાત...
કહેણ એક નાંખી કાને, થાય આઘોપાછો
મીઠું બોલીને મને, પહેરાવે શરમ શેરડો
હૈયાનો હાર મારો, મારું ઘરેણું
ઓઢું માથલડે, તો તાણે ઝટ છેડલો
કાગળમાં લખું રાત...
©અર્ચિતા દીપક પંડ્યા
No comments:
Post a Comment