જોતજોતામાં
પડ્યું ઝાકળ, ને ઊડી ગયું, જોતજોતામાં
પડ્યા પ્રેમમાં, એ છેતરી ગયા, જોતજોતામાં
નહોતી ખબર વળગી રહેવાનું એનું રાતભર
સૂરજ આવતા થઈ જશે છૂ, જોતજોતામાં
ઝાંઝરના ઝમકારે ભરી દેતી ઘર પગલીઓથી
મહેંદીના રંગે બનશે ઠાવકી એ, જોતજોતામાં
અંધારા સાથે રાખી છો દોસ્તી જીવનભર
અજવાળે ખોલ્યા રાઝ કૈં, જોતજોતામાં
હતું ગુમાન બે યનું, સત્તાનું અને ધનનું છતાં
જરાએ છૂટ્યા,જરા જરા એ, જોતજોતામાં
©અર્ચિતા દીપક પંડ્યા
No comments:
Post a Comment