જીવન
મારી ઉંમર
જેમ વધે
એમ મારા નામ સાથેનો
છેડો ફાટતો જાય છે!
ધીરે ધીરે
મારો લગાવ
મારી સાથે વધતો જવો
અને
મારી મહેતલ ઘટતી જવી,
બંને એક સાથે જ થાય છે!
જિંદગી વેતરી કાઢેલા તાકાની
જેમ હું તારી પાસે
નહીં લાવું....
મારે નકશીકામ કરવું છે એમાં,
જેમાં તેં આપેલ સદ્ ગુણો
વડે સુંદર ભાત પાડવી છે!
તેં આપ્યું એ અદ્ભૂત!
અને સજાવવું મારે પણ અદ્ભૂત!
©અર્ચિતા દીપક પંડ્યા
શુભ પ્રભાત
No comments:
Post a Comment