પહેલાં કરી દેશે દફન પછી પૂછી લેશે હાલ
વ્યવહાર તો જરીકે ન ચૂકતો એ માણસ
સપનાં જોઈ લે એ ભલે આકાશથી ઊંચા
અરમાનોની ઘોર ખોદતો રહતો એ માણસ
જોઈએ એને કે દુનિયા તો કદિ ન બદલાય
રોજેરોજ છતાં પોતે બદલાતો એ માણસ
કોને કહેવાની જગતમાં વાતો બધી દિલની?
રડ્યાં એને અનુકંપા નામે રડાવતો એ માણસ
એક કથા આની પણ ને બીજી એમની પણ
એ ચર્ચામાં સૌને વગોવતો રહેતો એ માણસ
ભલે ખોવાતી જાત પણ કરતો બધું એ મુઠ્ઠીમાં
સાબિત કરવા પોતાને ખુદને વીંઝતો એ માણસ
©અર્ચિતા દીપક પંડ્યા
No comments:
Post a Comment