ભારે વરસાદ પછી

    ભારે વરસાદ પછી.. 

આજે મારી શેરીમાં થયો વહેળો

નદી જેવા લાગે છે અહીં વહેણો

કેટલી મનામણી કરતા'તા વર્ષાને

રીઝાઈને કસર પૂરી કરી અટાણે

વરસીને વરસીને કર્યા રસ્તાને નદી

સહેલ તો નાવડીની માંગે મન દોડી

નીચી ગાડી મૂકીને ચાલ્યા પગથી

થયા તરબતર આભથી,ધરતીથી

એક એક કદમ સાચવીને ચાલતા

રસ્તાના ખાડાથી બચીને ચાલતા

સફર હતી દશ મિનિટની સાવ નાની

કાપી વરસાદે અમે દોઢ કલાકે પૂરી. 

©અર્ચિતા દીપક પંડ્યા