તું મને જુએ, હું તને, બસ, કાચની દિવાલ છે!
બધું આરપાર અહીં, પણ, કાચની દિવાલ છે!
વરસે ભલે શેરીમાં ને ગામમાં અનરાધાર થઈ
ઘરમાં જ મારે હરખાવાનું, કાચની દિવાલ છે!
કોઈ ઘટનાનાં ફૂલ હવે ઝૂમી રહ્યા બગીચામાં
ભ્રમર થઈ જાવું મારે પણ, કાચની દિવાલ છે!
મારી ઓળખાણ કરાવનાર કોઈ તો મળ્યું છે
સાચ બતાવે આ જગમાં, કાચની દિવાલ છે!
અવિશ્વાસ,દગો, છેદ,સ્વાર્થ બધું છે દુનિયામાં
એટલો સંતોષ કે મારી પાસે,કાચની દિવાલ છે!
©અર્ચિતા દીપક પંડ્યા
No comments:
Post a Comment