પ્રતીક્ષા
પ્રતીક્ષા છે એક જાગતું ચલણ આ જગમાં
રાતને દિવસની, તો અંધકારને ઊજાસની!
બેજીવીને નિજસંતાનની, પ્રિયાને પ્રિયતમની
માવતરને પરદેશી સંતાનની, પ્રતીક્ષા જીવાડતી!
ભાવભર્યા ભેરુની કે સાસરે ગયેલી દીકરીની,
પ્રતીક્ષા બસ, એ તો ભાવવિશ્વની જીવાદોરી!
આકળા બફારે વરસાદની, વર્ષ આખું નિખારતી
પ્રતીક્ષા એવી જ આખર તારીખે હોય પગારની!
ભક્તને એના ભગવાનની, 'આમ'ને સારા સમયની
કોઈને કલ્કિ ભગવાનની, પ્રતીક્ષા સૌને કોઈકોઈની!
©અર્ચિતા દીપક પંડ્યા
No comments:
Post a Comment