ગતિદીક્ષા

નામ: અર્ચિતા દીપક પંડ્યા 

ગામ: અમદાવાદ 

ઈમેઈલ : architadeepak@gmail.com 

 ટાસ્ક : જૂન મહિનો

નદી આપણને ગતિદીક્ષા આપે છે... 

શીર્ષક : ગતિદીક્ષા

ખળખળ તારો રવ, ઘટાડે મારો ઘોંઘાટ,

પરમ મળે શાંતિ મને, રોકાવું તારે ઘાટ!

શીતળ વહેણ તારું ગ્રસી લે સૌનાં તાપ,

નિર્મળતા આપે સૌને પ્રસન્નતા અમાપ!

અટકું હું જરી, જો મૂંઝાઉં થઈને અસફળ,

ગતિ તારી કાયમી પ્રવૃત્તિ તણી કરે દિક્ષિત !

પોષનારી, વહેનારી, છતાં સ્વરૂપે છે અલ્લડ,

નદી વિના કેમ ટકી શકે આપણું જીવજગત!

વાહ તારી ગતિદીક્ષા, વહેતી લઈ જલભંડાર,

માતા સ્વરૂપે તને પૂજું, શિરે ચડાવું જલધાર!

©અર્ચિતા દીપક પંડ્યા