*સરવાણી*
છે એક અનંત, અનન્ય સરવાણી જીવનની!
બ્રહ્મ વહાવે સદાય એની કૃતિ ઉપર પ્રેમની!.. છે એક..
આંખમાં વસે અમી રૂપે,જો માતા બની જાય,
પિતાની માર્મિક શીખ એક શ્રદ્ધા બની જાય!.. છે એક..
સરખા ભેરૂની ગોઠડી કે ભાઈ બહેનનો પ્રેમ,
એક અનંત સરવાણીથી જીવન બને છે હેમ!.. છે એક..
પ્રગટ થાય અચાનક જ્યારે જન્મોનાં સાથી,
પરમનો અજવાશ લઈ ત્યાં વસે સરવાણી!.. છે એક..
આપે આ દુનિયા જો કોઈને હાર કે હતાશા,
તારે છે ત્યારે એક અદ્ભૂત એવી સરવાણી!.. છે એક..
©અર્ચિતા દીપક પંડ્યા
No comments:
Post a Comment