શીર્ષક ::::::: ભણકારો ::::::::::
વાયરો વહ્યો ને વાત લાવ્યો
લાવ્યો હળવો અણસારો
મીઠી મહેકનો છલકતો પ્યાલો
ને બંસીનો સૂર એક રેલ્યો
મોરપિચ્છે મઢેલ શમણાં સેજો
પગરવે પાડી થાપો
ઝમ્કારે ઝમ્કારે ઝબકે ભણકારો
ભાલે ચમકે ચાંદલો
ગહેકે મયૂર ને ગૂંજ્યા કેકારાવો
ઝરમર છાંટે ગુલાલો
ફોરાં ની વરસતી ફોરમે આવ્યો
ધબકાર વધુ એક ધીમો
કદંબ , કાલિન્દી , કમળ સહુ હસો
માધવ આવ્યાનો સંદેશો
પહોંચ્યા અંતરે ને ઝૂમે સહુ ઉમંગે
શમણે શમ્યા અનેક ઉદ્વેગો ......
No comments:
Post a Comment