શીર્ષક ::::: છોડ મારા ભાઈ :::::
આખેઆખો કેમ ઓળખવો માણસને ?
કેમ કરીને સમજવું કોઈના માનસને ?...છોડ મારા ભાઈ
ઉકેલવો કેમ અજાણી ભાષાનો ગ્રંથ ?
લિપિ એકની એક ને અર્થને અંટસ ?......છોડ મારા ભાઈ
સ્મિતની પાછળ સલુકાઈથી ધિક્કાર ?
ઈરાદા છોડે બસ બાંધીને બધી પાળ ?.....છોડ મારા ભાઈ
જન્મ્યા ત્યારથી કેવું શીખ્યાનું ગુમાન ?
તોય ઈશ્વરથી દૂર ગયાનું કોઈ ભાન ?......છોડ મારા ભાઈ
હસતા સાથે બસ અહી હસી લઈએ ને
રડતાના બે આંસુ લૂછી લઈએ , બાકી ......છોડ મારા ભાઈ ..
No comments:
Post a Comment