હોઉં તારી નજીક અને મારાથી દૂર તું
થોડો નજદીકીમાં પણ ફરક લાગે છે!
શ્વાસ મારો ખાલી અને ઉચ્છવાસમાં તું
થોડો સ્મરણમાં પણ ફરક લાગે છે!
એક જવાબ મારો અને પ્રશ્નો જે પૂછે તું
થોડો લાગણીમાં પણ ફરક લાગે છે!
કદમ મારા ચાલે અને માર્ગ પસંદ કરે તું
થોડો સાહચર્યમાં પણ ફરક લાગે છે!
વિનંતીથી સંદેશુ હું ને ચીઠ્ઠી પણ ન ખોલે તું
થોડો સમજમાં પણ ફરક લાગે છે!
©અર્ચિતા દીપક પંડ્યા
No comments:
Post a Comment