સારું થયું!
નથી પ્રતીક્ષા, નથી મિલન,
મનની દશામાં નથી કંઈ અવનવું,
ચાલો ભાઈ, એ પણ સારું થયું!
નથી પગરવ, નથી દસ્તક,
ન અવસ્થાનું બદલાવું, ન મળાયું,
ચાલો ભાઈ, એ પણ સારું થયું!
ન રુપેરી ચાંદ, ન સોનેરી સૂરજ,
ન દિવસ ઉગવામાં, ન સાંજથી ઢળાયું,
ચાલો ભાઈ, એ પણ સારું થયું!
ન લાવા ઓકી શકે, ન તો સહેવાયું,
જ્વાળામુખી મૃત છે જણાયું,
ચાલો ભાઈ, એ પણ સારું થયું!
આજે નથી કંઈ કામ, નથી નવરાશ,
જવાબદારીમાં નથી કંઈ વધ્યુ ઘટ્યુ,
ચાલો ભાઈ, એ પણ સારુ થયું!
ન આકાશે ઓથ,ન ધરતીથી સંઘરાયું,
થયા પદભ્રષ્ટ, ને નામ જળવાયું
ચાલો ભાઈ, એ પણ સારું થયું!
©અર્ચિતા દીપક પંડ્યા
No comments:
Post a Comment