પ્રસિદ્ધિ
ધોમધખતા તડકામાં એક કબૂતર
તરફડતું હતું
એને ઉપાડી
કપડાની ગોદડી પર મૂક્યું
પણ એને પોતાને
ક્યાં ચેન છે?
અરે,એ હજૂ તરફડે છે
એને પોતાની સાથે જ ચેન નથી
એને લોહી નીકળે છે!
યમરાજના વાહન
પાસે માહિતી લઇ
ગરૂડરાજ
ત્યાં થઈ પસાર થયા
હસ્યાં
અને કહ્યું
એનો જીવલો જતો રહ્યો છે
એના જ અસ્તિત્વની
લડાઈમાં
પ્રસિદ્ધિની દવા
જરા જરા સૂંઘી ટકી રહ્યો છે!
©અર્ચિતા દીપક પંડ્યા
No comments:
Post a Comment