આ વરસાદને
વરસાદને થયું કેમ વરસું?
હવે ડોળ આવડી ગયો છે,
આટલેથી જ ચાલે છે કામ,
મને ડોળ આવડી ગયો છે.
ક્યાં લગાડવું ખોટું કે સાચું
દરેક મનનું વાગે જૂદું વાજું
પ્રતિભાવ દબાવી દઉં છું હું
મને ડોળ આવડી ગયો છે.
કઈ ચાલ સાચી 'ને અવળી?
ઝાઝી કોણે ચિંતા અહીં કરી?
ચાલે પગ તો જ્યાં મળે કેડી
એને ડોળ આવડી ગયો છે.
નિયમો ન સંભળાવશો જરી
ચૂકાદાથી રહેજો જ દૂર વળી
મહોરું એક જ રહ્યું છે ચીપકી
હવે ડોળ આવડી ગયો છે.
©અર્ચિતા દીપક પંડ્યા
No comments:
Post a Comment