સવારે સવારે
હતો ભેજ ઝાકળ તણો પાન ઉપર સવારે સવારે
હતી આંખ લૂછી અમારી તમે તો સવારે સવારે
તરીને પહોંચ્યા અમે તો મહેનત કરીને કિનારે
મળી એક નૈયા અનામી નફામાં સવારે સવારે
મળીને ગયાએ નયનને ઝુકાવી સરેઆમ આજે
શરમ શેરડો લાલ રંગે કુસુમને સવારે સવારે
લખીને અપાતી નથી અરજી દિલની દુનિયા માં તો
ઉમંગો ઉઠે સૂર્ય ઊગે જેમ આભે સવારે સવારે
હસીને કરું છું દિલ્લગી તમારા મનોરંજન માટે
બદલી નાખવાની છે વાતો અમારી સવારે સવારે
©અર્ચિતા દીપક પંડ્યા
No comments:
Post a Comment