કા'ના,
જો હું થઈ જાત થોડી મોર્ડન,
તો છોડી જાત મને કોણ!
હે ને!, તો યુ વોન્ટ એવર બી ગોન!...
પહેરત નહીં ચણિયા, ચોળી ને ચુંદડી!
સ્ટીલેટોઝ, સ્કર્ટ ટોપમાં લાગત ફાંકડી!
એમાં કા' ના તને દેખાત હું સોહામણી,
બની જાત તો કદાચ જુદી કહાણી,
ને
બોલ, તો પછી છોડત વૃંદાવન કોણ!
હે ને!, તો યુ વોન્ટ એવર બી ગોન!...
તારી વાંસળી જોડે સંગતમાં ચાલત
ટ્રમ્પેટ, ગિટાર ને ડ્રમ હું વગાડત
રાસ બદલે કરત જાઝ, સાલસા, કન્ટ્રી
નટવર, થતી રહેત ને નવતર એન્ટ્રી?
ને
બોલ, તો પછી છોડત વૃંદાવન કોણ!
હે ને!, તો યુ વોન્ટ એવર બી ગોન!...
રાધે, આંખે શેડ્સ,ને પહેરત જીન્સ,
ધારત, મોબાઈલ બાય ઓલ મીન્સ,
દ્વારિકાથી મોકલત 'મીસ યુ' નો મેસેજ,
આંખ ભીની થઈ હોતને મારી સ્હેજ,
ને
રાધે, બોલ, છોડે વહાલું વૃંદાવન કોણ!
હે ને!, તો આઈ વોન્ટ એવર બી ગોન!
ન હોત જો મારે જગતરક્ષાના કામ,
કર્મબંધન નડતા ન હોત, સૌ ને આમ,
ક્યારેય છોડી ન જાત તને મારી સખિ!
છે આ દિલમાં તને કાયમથી રાખી
ને
રાધે, બોલ, છોડે વહાલું વૃંદાવન કોણ?
સાચે, તો આઈ વોન્ટ એવર બી ગોન!
©અર્ચિતા દીપક પંડ્યા
No comments:
Post a Comment