અછાંદસ /આ ક્ષણ#

અર્ચિતા દીપક પંડ્યા 

૧૫/૧૨/૨૦૨૦ 

અછાંદસ 

આ ક્ષણ

આ ક્ષણ ક્ષણના સરવાળા જેવું

છે ને જીવન આપણું,

જે થઈ ગયું, 

જે જોડાઈ ગયું, 

ચાલી રહ્યું બસ સાથમાં.

જે રહી ગયું, 

ન થઈ શક્યું, 

ન પામી શકાયું,

એ બધી બાદબાકી, જે સદાય બાકી

ન છે કશું આપણાં હાથમાં. 

મુઠ્ઠી જેટલી ક્ષણોનો જુમલો

સાથે ખજાનો લઈ ચાલીએ

સૌથી મજબૂત તો આ ક્ષણ

એ જ ક્ષણ,

જે છે 'હાથમાં તે બાથમાં.'

ક્ષણ, તને ન વિસરી જાઉં, 

ક્ષણ, તું ન છૂટી જઉં, 

સંપર્ક મારો છે ખરો આ ક્ષણ સાથે, 

ન ક'દિ વિસરી જાઉં.. 

નથી ક્ષણોના કાફલાથી માત્ર, 

જીવન છે આ ચાલતું, 

વિજળી જો ઝબકી, આ  ક્ષણે

મોતી છે જો પરોવતું

તો

કિંમતી જીવન થઈ જાતું..!