આંખ મારી શોધી રહી છે
કોને અહીં અજાણી જગ્યાએ?
પરિચિત ભણકારો આવીને
કોલાહલોમાં મને જગાડે છે!
તમે મળ્યાં છો ત્યારથી બીજે
જીવ ક્યાં કોઈ વાતે લાગે છે?
નવી શરૂઆતે મન આપના
વિચારથી જ તો અટકે છે!
કઈ બોલી છે આપણી વચ્ચે
લખાણ એમાં ક્યાં થાય છે?
ને બોલીએ વેણ એ પહેલાંથી
તો આંખો વરતી જાય છે!
વાત હો અગર પ્રેમની તો
અંતર ક્યાં જરાય નડે છે?
યાદ આવી જતાં જ કોઈની
સ્નેહની સરવાણી ફૂટે છે!
(c) #Archayit અર્ચિતા દીપક પંડયા
No comments:
Post a Comment