મંદાક્રાન્તા

છંદ:મંદાક્રાંતા /વર્ણ :17/યતિ:4,10
બંધારણ :મભનતતગાગા

ઢાળ: રે પંખીડા

તેની સાથે ન દુશ્મન થવું રાસ આવ્યું ન દોસ્તી

કેવાં કેવાં અનુબન્ધ લઈ લોક ભેગાં થયા'તાં

કેમે ટાળું મન વચનથી આકરાં એ દર્દોને

ઋણો મારાં કરવત થઈ કાપતાં ક્રૂર હાથે

આવી ક્ષણો દિલ ઉપર તો ચાલતી કાપતી'તી

જીવીશું છો મરણલગની ફીકરો ફાળવીતી

હાહાકારો મનવિલપતાં ઠંડકે ક્યાં રહેતાં

આવે ટાણે બળબળથતી લાગણીઓ સહેતાં

ત્રાસો તાપો કરુ વિવરણો વાંક ના કોઇ લાગ્યો

સંજોગો જો વિકટ મળતાં ભાગ્ય ના સાથ દેતાં

સીધીસાદી પરિસ્થિતિમાં ત્રાસ સ્હેવાં પડે છે

મૂંગે મોઢે જગતભરમાં જીવતાં મૂરઝાતાં

ક્ષમા આપી સરલ હ્રદયે જીવતાં શીખવાડ્યું

છોડી બધાં અવગુણ અને શાંતિ હૈયે કરાવી
(c) #Archayit અર્ચિતા દીપક પંડ્યા