લાગ્યું ખોટું ને છોડ્યું ઘર
ત્યારે ખબર પડી કે
એ આકરાં વેણ
પાછળ કેટલો પ્રેમ છૂપાયેલો હતો!
તોડી નાંખ્યું દિલ ને સંબંધ પણ
ત્યારે ખબર પડી કે
બેદિલી બેરુખી
પાછળ જીદ છૂપાયેલી હતી!
અગ્રાહજ થઈ ભેટ કરી બાતલ
ત્યારે ખબર પડી કે
કૂણાં વ્યવહાર
પાછળ સ્વમાન છૂપાયેલું હતું!
સોટીના સોળ ઉઘડી બોલ્યાં
ત્યારે ખબર પડી કે
શિસ્ત ને કડકાઈ
પાછળ શિક્ષણ છૂપાયેલું હતું!
દુનિયામાં બધું જે દેખાય
એ અનુભવ થાય
ત્યારે જ ખબર પડે કે
વાસ્તવે રૂપ જૂદું છૂપાયેલું હતું!
(c) #Archayit અર્ચિતા દીપક પંડ્યા
No comments:
Post a Comment