કેદ
મારા જ નામની કેદમાં
હું શ્ચસું છું
ક્યારેક ગૂંગળાઉ છું
ક્યારેક એ આડશમાં
હાશકારો લઈ લઉં છું
આ નામમાં
પૂરાયેલ
વ્યક્તિનું
અસ્તિત્વ છે
બહુ બધાં 'do's
અને
અગણિત' don't 'sના
ફોલાદી સળિયાની કેદમાં
પોતાની જ સાથે
સાવચેતીથી
જીવતા
પ્રાણવાયુને ઝંખતા
એક
પથ્થરના ઢગલા વચ્ચે
ફૂટતી કૂંપળની માફક
મથતા
અસ્તિત્વની લડાઇની
જેમ...
અહીં કોઈ
શાશ્વત નથી
માત્ર શાશ્વત છે
આ લડાઈ....
©અર્ચિતા દીપક
No comments:
Post a Comment