સાયુજ્ય
આપસમાં વહેંચી લઈશું
આપણી એકની એક
જિંદગીની મિલકત!
સુખ બધાં ઉધાર જ
માનું,
તને આપવા માટે...
અને દુઃખની કરી લઉં
બાદબાકી
આપણી
વચ્ચે...
સાથનો છે આનંદ
તો બીજા રંજની
તો શી છે મણા?
હું તારી સાથે
અને
તું મારી સાથે
એ સાથ
તે જ તો
છોડાવશે સઘળી
વિટંબણા!
જો છીએ આપણે સાથે
તો દુનિયા અહીં જ તો
થાય છે ને પૂરી?
તું મારામાં વિસ્તરે
અને હું તારામાં
એ જ છે ને જિંદગી!
©અર્ચિતા દીપક પંડ્યા
No comments:
Post a Comment