મારા બગીચામાં
એક નાનકડો
છોડ ઉગ્યો છે ખૂણામાં,
રોજ એક નાનકું
ફૂલ આવે છે એમાં,
રોજ હસતું, રમતું
ખીલે છે...
મોટા બગીચાને કોઈ
ફરક નથી પડતો,
ખૂણામાં એ હોય કે નહીં.
છોડને પણ ખાસ
કોઈ ફરક નથી પડતો..
એ ક્યાં ઉગી ગયો છે?
બાકી આમ તો શું?
શું ફરક પડે?
કેટલાંય જીવ વચ્ચે
એ પણ જીવી રહ્યો છે.
પણ,
મને અને એને,
ત્યારે ચોક્કસ ફરક પડે છે,
જ્યારે,
સવારમાં હું
ફૂલ ઉગ્યું હશે
એમ માની જઉં છું
બગીચામાં, છોડ પર
ફૂલ જોઈ એને હાથ ફેરવવું છું..
અને અમે બંને..
હસી પડીએ છીએ...!!!
©અર્ચિતા દીપક પંડ્યા
No comments:
Post a Comment