મળે ના મળે
ખોલું બંધ મકાન, અને આપણાં ન મળે
જીવનમાં બધી દુઆઓ ફળે કે ના ફળે!
સંબંધ મેં જ સ્થાપી દીધો ઈશ જોડે
બને, કે ખરે વખતે એની આનાકાની મળે!
અમથું યે સ્મિત તો મઢી લીધું ચહેરા પરે
મુક્ત હાસ્યની સ્થિતિ કોઈ કળે ના કળે!
આજકાલ લઈ લીધાં છે અબોલા એમણે
ભલે મળે નજર, છતાં પ્રેમ મળે ન મળે!
એક ઉપકાર કરી દીધો સંબંધ વિચ્છેદ વડે
મન મળ્યાનો ભાવ દિલમાં જડે ના જડે!
વિધાતાનો ઉપકાર માની, મન ઋણ ગ્રહે
કુંડળી એવી પાડી કે શત્રુતા ન રહેે એ સ્થળે!
બેઅદબ થઈ આશાઓ મારી એક સાથે
જીવન સાથે પણ શ્વાસ કદાચ હળે ન હળે!
©અર્ચિતા દીપક પંડ્યા
No comments:
Post a Comment