મનબાગની છેક નજીક રહેતાં સાથી!
કોઈ હવાની લહેરખીથી
અજાણપણે
ઝળુંબાઈને
તારા બગીચામાં
ખેંચાઈ જાવ છું..
ત્યારે પાંદડાંઓની
ગુસપુસ રોમાંચ આપે છે!
ખાસ લાગે છે!
એ ક્ષણો...
જે મને તારી નજીક લઈ આવે છે!
તારા સાથીદાર છોડ
એની સુંદરતાથી શોભી રહ્યા છે,
અને રોજેરોજ, તું
એમાં ઓળઘોળ!
પણ ક્ષણ બે ક્ષણનું
મારું, તારી નજીક આવવું,
જીવનનું એક જોમ છે!
હું રાહ જોઉં છું
એક મીઠી પવનની લહેરખીની,
જે જીવન સુધી ખેંચી જાય છે!!!!
©અર્ચિતા દીપક પંડ્યા
No comments:
Post a Comment