વરતાર

સવારે લહેરો, કોઈને કુદરતની લાંચ છે,

બપોર છે હવે ધખવાની એવા વરતાર છે.

મનસૂબાને મળે નાજૂક પાંખોની જાત છે

રિવાજો છે આઠપગા એવી કોઈ વાત છે

રહું પ્રેમમાં તરબોળ એ જ પૂજાપાઠ છે

છે ઈચ્છા અંત લગી રહે સનમનો સાથ છે

કરી સલામ માન્યા વડવાઓની સલાહ છે

આંગળિયાત બોલે, એ શી નવી વાત છે?

જીત્યાં હર મુશ્કેલી કહી નાની શી વાત છે

હર પડાવે એટલે જ તો નવી શરૂઆત છે

વલણ બદલે સ્નેહમાં, તો ક્યાં સ્વાદ છે?

તમાચો ખુશ છે કે હવે ગાલ તો લાલ છે!

                અર્ચિતા દીપક પંડ્યા