ૠતુજા માટે

આંગણ ઓળંગી ઉડશે દીકરી

મૂકી યાદ અને કંકુના થાપા

અવસર રૂડો, થજો તમે સાક્ષી

આ તો નદી વહી, મળવા દરિયા
*******************************

કંકુ પગલાં લઈ ચાલશે પગલી ની પાડનાર અમારી,

અમારાં હેત ને તમારાં આશિષ સાથ લઈ ઉડનારી,

પ્રસંગ પવિત્ર અમારે આંગણ રહ્યો છે આવી,

ભાવથી વિનવું પધારીને, શોભા વધારશો એ દિન અમારી.
*******************************

હર્ષથી સાજિંદા સંગત કરશે

સંવેદના ના સાથિયા  ખીલશે

પ્રેમે આશિષ લઈ આપ સહુના

લાડકી હવે સાસરવાટ વળાવશે

*******************************

રૂમઝૂમતી ઋજુ લાડલી કરીને સૌભાગ્ય શણગાર

નવયૌવના કરશે કંકુ પગલાં ને દાંપત્યનો સ્વીકાર

મંગળ પ્રસંગ આવ્યો  પ્રત્યક્ષ મળવાનો તહેવાર

અવસરે આવી આપજો  યુગલને આશિષ અપાર