આપણી વચ્ચે *

ચાલને કોઈ સુલેહ કરી લઈએ આપણી વચ્ચે
એક તો સંબંધ જરૂર સચવાશે  આપણી વચ્ચે

અપેક્ષાઓની ક્યાં લાંબી અપેક્ષાઓ છે હવે
હું ન માંગુ અને તું ન જ બોલે એ આપણી વચ્ચે

કિનારા સુધી પહોંચવા ફંગોળાતા રહીએ,
બને
એટલી યે સમતા ક્યાં રહી છે આપણી વચ્ચે

મરજીનું માપ લઈને વેતરી કાઢીએ ચાલ હવે
શમણાંનો પહેરવેશ બનાવીએ આપણી વચ્ચે

તારી જીદ અને મારી માન્યતાઓ ચડી છે દંગે
બાકી ક્યાં કોઈ કંકાસ છે હવે આપણી વચ્ચે

ન ગમ્યું મારું વર્તન જો તને, ન તારું પણ મને
પ્રેમની રીત તો પણ જળવાય છે આપણી વચ્ચે
           ©અર્ચિતા દીપક પંડ્યા