એ ફરીથી આવ્યો
ઊંચો થયો
મૂછે તાવ દઈને
નરમીથી ગરમી લાવીને
આકળ વિકળ થઈને
કહે;
"પ્રેમ કરું છું, વાદળ તને!
સાતત્યથી, સૂરજ છું!
કિરણોના બાહુથી
જકડી લેવા રોજ
મહેનત કરું છું,
અને તું છે કે
વરસે તો ધરતી પર જ" ,
વાદળે સદીઓથી
એકધારી રમાતી
રમત ચાલુ કરી
કોઈ પર્વતની ટોચ પર
પનાહ લઈ લીધી
કહ્યું સૂરજને
"આ જ નીતિ, રીતિ
અને નિયતિ છે,
મારો પ્રેમ વરસે
તો ધરતી પર જ
વરસે છે! "
©અર્ચિતા દીપક પંડ્યા
No comments:
Post a Comment