પ્રેમ નો નકશો

પ્રેમ નો રસ્તો કઠિન છે,
પણ અહીં એક નકશો છે,
એની ભૂગોળને ખેડવા માટે
એક અણસારો છે!
રસ્તામાં
ચકાસણી નામે રણ છે,
જાસૂસી નામે દલદલ છે,
શંકાના ઓસ્ટ્રેલિયન બાવળનું
જંગલ છે
લાગણીના ઘોડાપૂરનો દરિયો છે
પ્રેમના મોતી માટે થાવું મરજીવો છે
ભરોસો નામની નાવથી વિંધ્ય દરિયો
તળ એનું શ્રદ્ધા
અને વિશ્ચાસનું વહેણ છે,
મનમસ્તીનાં મળે મોજાં
અવિશ્વાસની ઓટ છે
પ્રેમનો એક જ શિરસ્તો છે પ્રેમ
પ્રેમ જ મંઝિલ પ્રેમ જ રસ્તો છે.
આવો જ કંઈ
પ્રેમનો રસ્તો છે કઠિન
પણ આવો જ કંઈ
પ્રેમનો રસ્તો છે!
©અર્ચિતા દીપક પંડ્યા