માંગણી રાખું છું

મને સાથ દઈ દે એટલી માંગણી રાખું છું
ક્યાં સાવ અશક્ય લાગે એવી માંગણી રાખું છું

પ્રેમમાં લાગણીને જ બનાવી દીધી જિંદગી
જિંદગીને જ બનાવ પ્રેમ માંગણી રાખું છું

ઊંચે આકાશમાં રહીને ફરકાવે છે સ્મિત
ધગતા લલાટે હાથ મૂક માંગણી રાખું છું

થાય પગલાં વસંતના અને બાગ ખીલે છે
એવા જ તો કોઇ સન્માનની માંગણી રાખું છું

ગણી ગણીને મૂકવા પડે છે કદમ અહીં
બાદબાકી થાય ગણિતની માંગણી રાખું છું.
       ©અર્ચિતા દીપક પંડ્યા