એનું એ જ
હું છું ,
એનો એ જ, હતો
અને એ પણ,
એની એ જ!
જેનાથી અમને
અપાર આકર્ષણ થતું,
જીવનની દોડને
ઉત્સાહભેર દોડવા
મન આતુર રહેતું,
એ જીવન પણ એનું એ જ!
છે એમનું એમ આજે
જે બધું ગઈ કાલે હતું!
સમય વહેણની માફક વહ્યો
આપણે પણ!
કેમ નહીં?
પણ છતાં
જ્યાં હું હતો ત્યાં હું નથી,
અને તું હતી ત્યાં તું નથી..
અથવા
મને લાગે છે,
જ્યાં હું છું, ત્યાં તો તું નથી જ!
બાકી બધું છે,
એનું એ જ!
©અર્ચિતા દીપક પંડ્યા
No comments:
Post a Comment