એક છત્રી નીચે
આપ્યો એણે હાથ, જિંદગીનો સાથ,
'ને પલળ્યાં બંને સાથે એક છત્રી નીચે....
વરસાદમાં વધી વાત, ખીલી માઝમ રાત,
બે રાહીને મળી મંઝિલ એક છત્રી નીચે...
કાલની ગુફતેગુ ,બની ગઈ કોલ આજ,
છે જન્મારાનો સાથ હવે એક છત્રી નીચે...
હસે હોઠ ત્યારે, જ્યારે નજર મેળવે આંખ,
અહીં તું જ મારો ચાંદ આ એક છત્રી નીચે...
લાગે બધું સુંદર, તું જો કરે પ્રેમની કબૂલાત,
હવે બસ,આપણું આકાશ એક છત્રી નીચે...
વરસજે અનરાધાર, મોસમનો મલાજો જાણ
માણીએ માઝમ રાત, જો એક છત્રી નીચે..
તારી હોય તો ય, ફગાવીને આવ એક છત્રી નીચે
ચોમાસું શું?,હર મોસમે પલળવું એક છત્રી નીચે..
©Archiyat
No comments:
Post a Comment