વરસીશ?
મારું
રાહ જોવું
કાગડોળે,
એકવાર વરસીશ
અનરાધાર મેઘ બનીને તું.
અને તારો પણ
સંયમ કહું કે વિતરાગ?
કે સમજણ પૂર્વકનો વિલંબ?
તેં રાહ જોઈ
અનુકૂળતાની,
શું સાચે?
પ્રતિકૂળતાની આડશે
તું મને તાવે તો નહિ કે?
એકવાર મન મળ્યાં છે
દિલ આપી દીધું છે
એક વેદીમાં પ્રજ્જ્વલે છે
સતત એક દેવતા યજ્ઞનો,
આપણાં પ્રેમનો;
તો પછી કંઈક શું છે નવું,
આપણાં બંનેની વચ્ચે?
©અર્ચિતા દીપક પંડ્યા
No comments:
Post a Comment