મોસમ મુજબ કરે શણગાર
પુત્રી ધરતીને નૈસર્ગી મૈયા
અવનવી રીતે એનું ખીલે રૂપ
અને ધરા જાણે સદા યૌવના.
ઉનાળે પીળી 'ને રતુંબલ ઓઢણી
ગરમાળા ગુલમહોર મ્હોર્યા ફૂલથી
તપતી ધરતી જાણે નવયુવતી
કરી શણગાર પિયુને રીઝવતી.
શિશિરની શીતળ લહેરખી વહેતી
અવનવા ફૂલોની ભાત શોભતી
રંગ બેરંગી ચુંદડી ધરતી ઓઢતી
અને રૂપ કેવું સુંદર સોહાવતી!
વર્ષા તો સહેલી પ્રિયા ધરતીની
હેતે કરી વાતો એને ભીંજવતી
ખીલે હરિયાળી 'ને મોસમ હરખુડી
અલંકારો,લીલી ચુંદડી ધરતી સજતી!
હો કોઈપણ ઋતુ અને કોઈપણ તિથિ
ઉમંગે સજતી ધરતી સૌને પોષતી
નૈસર્ગીમાનાં સંસ્કાર હંમેશા ઊજાળતી
સૌંદર્યા ધરા વિના જિંદગી ન મળતી!
©અર્ચિતા દીપક પંડ્યા
No comments:
Post a Comment