પડે કે ન પડે
એવું છે અહીં
વાતાવરણ
કે વરસાદ તો પડે
કે ન પડે
પણ , એ વિચાર પણ
સુખ આપે છે કે
વરસાદ પડવાનો છે!
આચાર પણ છે,
કાળા ડીબાંગ વાદળોની
આકાશમાં હાજરી છે,
પવન નહિવત્ છે,
ધરતી માંથી ઉઠતી વરાળ
જાણે હાથ લંબાવીને
મેઘને લલચાવી રહી છે
અને મેઘ પણ જાણે હમણાં
પાણી પાણી થઈ જશે
હૂંફાળા આલિંગન સામે!
સદીઓથી આ જ પરંપરા
છે વરસાદની કે પ્રેમની
છતાં એમાંથી જે
રોમાંચ ઉઠે છે,
એ એવો જ બરકરાર છે!
વરસાદ હાલ પડે કે ન પડે,
એ ન આવે તો
પણ,
અને આવે તો પણ
રોમાંચ એનો એ જ છે!
© અર્ચિતા દીપક પંડયા
No comments:
Post a Comment