મારા જ તરફથી
બહુ મળી છે દાદ આ નામને લોકો તરફથી,
ચાહું હવે મેળવું શાબાશી મારા જ તરફથી!
વિગત ચૂકી જવાઈ ઉતાવળથી મળવામાં
થોડીક તો કસર થઈ ગઈ મારા જ તરફથી!
અનુગામીને જોર કર્યું રસ્તો બતાવવામાં
થોડીક જબરદસ્તી થઈ મારા જ તરફથી!
રહ્યાં એ એક ને એક વાતને વળગી રહેવામાં
થોડીક ધીરજ પછી ખૂટી મારા જ તરફથી!
એક સમજાવું અને થાય બીજું બગડવામાં
થોડીક સમજદારી જોઈશે મારા જ તરફથી!
એમ માનવું કે રહ્યાં ખાલી વાંક બતાવવામાં
થોડીક તો નાદાની થઈ ગઈ મારા જ તરફથી!
લાગ્યું,ઈશ્વર ગૂંથાયો છે ચોપડો લખવામાં
થોડીક તો ગફલત થઈ છે મારા જ તરફથી!
©અર્ચિતા દીપક પંડ્યા
No comments:
Post a Comment