છે પ્રતિબિંબ તો હકીકત જરૂર છે,
છે ખુદાઈ, તો ખુદા પણ જરૂર છે.
ભીડમાં પણ ફરી ફરી યાદ કોઈ આવે,
છે દૂરી, તો મહોબ્બત પણ જરૂર છે.
અંદેશો મને કાયમ કે તું ન પણ આવે,
છે આશા, તો અવદશા પણ જરૂર છે.
સ્વપ્નમાં આવીને કહો છો, આવ્યા તમે,
છે સ્વપ્ન, તો દિલાસો પણ જરૂર છે.
ફરી એકવાર કહું છું કે આવી જાવ તમે,
છે આમંત્રણ, તો મજબૂરી પણ જરૂર છે.
છે ખરી વ્યવસ્થા કે રેખા હાથની બદલે? ,
છે કર્મ, તો લેખ અમીટ પણ જરૂર છે.
©અર્ચિતા દીપક પંડ્યા
No comments:
Post a Comment