બાળ ગીત
વાદળીઓનાં ટોળાં
મને ખૂબ ગમતાં ભોળાં
પવન મારે ધક્કા
ને દોડવા મંડી પડતાં
વાદળીઓનાં ટોળાં
જરીક કાળા જરી જરી ધોળા
પંખીઓની ઊડથી ઊંચા
ઘેરી લઈને સૂરજદાદા
મનમાં મીઠું મરકાતા
વાદળીઓનાં ટોળાં
દરિયા પાસે પાણી લેતાં
ભરી ભરી ઊડી જાતાં
એની ગાગરીઓ છલકાવતાં
ને ગડ ગડ ગડ ગડ હસતાં
વાદળીઓનાં ટોળાં
દઈ ધરાને પાણી વર્ષાના
એ તો રાજી થાતાં
ખાલી કરીને કુંભ એનાં
એ મેઘધનુષ બનાવતાં
વાદળીઓનાં ટોળાં
No comments:
Post a Comment