આ દિવાળીએ પણ...
કરી ઘરની પૂરતી સાફ સફાઈ
ચમકાવી દીધું ઘર ફરી એકવાર
કરી ખરીદી હોંશથી અમે સઘળી
સંતોષ નવું આણ્યાનો ફરી એકવાર
આજે કરી સાથિયાને રૂડી રંગોળી
ભરી સામાન ચાલી હું ઘૂમવા ફરી એક વાર
આગોતરા આશિષ વડિલોના લઈ
બેસતા વર્ષે જ છોડીશું ઘર ફરી એક વાર
નથી અમે રૂઢિગત રીતે ઊજવતા દિવાળી
પણ હૈયે કરીએ છીએ ઊજાસ વારંવાર
રોજની દોડાદોડી ને તનાવના દિવેલ કરી
દિવાળીના દીવા ઝગાવશું હૈયે ફરી એક વાર
નવા વર્ષે નવી આશાના તોરણ બનાવી
ઉમંગથી બે સ્થળ ઘૂમીશું ફરી એક વાર
દર વર્ષે ઊંચા નવા ધ્યેય હાંસલ કરી
વર્ષોવર્ષ નવી જિંદગી જોડીશું ફરી એક વાર
મારા 'રામ', હૈયાની અયોધ્યામાં બિરાજી
'રામરાજ્ય' જીવનમાં કરશે ફરી એક વાર
©અર્ચિતા દીપક પંડ્યા
No comments:
Post a Comment