લાડકવાયા જાયા ઓ ગણપતિ રાયા
મા પાર્વતી ને શિવને હર્ષાવનારા
બહુશ્રુત છો વિદ્વતા ધરનારા
રિદ્ધિ સિદ્ધિ ને તમે વરનારા
જગમાં છો તમે વિઘ્ન હરનારા
ગણરાજ ખરે તમે કહેવાયા....
લાડકવાયા જાયા ઓ ગણપતિ રાયા
તમે દીર્ઘદ્રષ્ટા છો સ્વામી ગજાનના
પળવારમાં તમે ભય સૂંઘનારા
મૂષક સવારીએ તમે શોભનારા
લોકમાં તમે પ્રથમ પૂજાનારા....
લાડકવાયા જાયા ઓ ગણપતિ રાયા
પ્રદક્ષિણાથી માતાપિતા રીઝવનારા
મોદકપ્રિય લંબોદર એકદંતા
વેદ લહિયા થઈને તમે લખનારા
નંદીના એ પરમ સખા બનનારા....
લાડકવાયા જાયા ઓ ગણપતિ રાયા
©અર્ચિતા દીપક પંડ્યા
No comments:
Post a Comment