ચૂંટણી વેળાએ
અમારા નેતાઓની વાત જ ન કરશો!
હોય ગમે તે સંજોગો,
એ જનતાને હેમખેમ રાખે છે!
વચનો આપી આપીને,
જનતાને વાણીથી ખુશ કરીને,
ચૂંટણી પછી એ જ દશા વર્ષોથી
એ જે હતું એમ-
હેમખેમ રાખે છે!
અમારા નેતાઓની વાત...
કેવા જંગ જીતવાના એ બધું જાણે છે!
આપેલ વચન કેમ વાળવા, એ જાણે છે,
હરિફ પાર્ટીની નબળાઇ બધી જાણે છે..
કરી પોતાનો કક્કો ખરો,
ઘમંડથી ચાલે છે!
અમારા નેતાઓની વાત...
કરી લે છે ખાયકી હર પ્રોજેક્ટમાં
એટલે વિકાસની ગાડી ભરપૂર ભગાવે છે
પર્યાવરણ ખોતરી કુદરતી ધન ઉડાડે છે!
જનતાના બટવાનો બોજ કોઈ ખિસ્સા
ઉપાડી લે છે!
અમારા નેતાઓની વાત....
ગોરા ગયા ને ઘરના આવ્યા
પણ સત્તા સાથે ન શાણપણ લાવ્યા
ઈરાદા કેમ કરીને જોઉં એમના ચોક્ખા
કંઇક દૂણાયાની વાસ સતત ગંધાય છે...
અમારા નેતાઓની વાત જ ન કરશો
એ બધું વર્ષોથી આમનું આમ રાખે છે!
©અર્ચિતા દીપક પંડ્યા
No comments:
Post a Comment